Gwellaat ha mont donoc'h gant an divyezhegezh war ar panelloù : ur benveg nevez savet gant an Ofis
Gwellaat ha mont donoc'h gant an divyezhegezh war ar panelloù : ur benveg nevez savet gant an Ofis ar brezhoneg
Kresket-kalz eo ar staliañ panelloù brezhonek e Breizh abaoe tregont vloaz. A bep seurt panelloù zo bremañ : panelloù mont e-maez ha mont tre er c'humunioù, panelloù-henchañ, plakennoù straed, panelloù titouriñ war ar glad, asagnoù ar stalioù ha kement zo.
Padal, re alies e chom dister kalite an divyezhegezh kinniget d'ar vrezhonegerien. Bihanoc'h pe en italek e vez skrivet ar yezh ingal c'hoazh. Ouzhpenn-se ez eus menegoù e-leizh na vezont ket troet n'ouzer ket re perak. A-hed ar bloaz e respont an Ofis da c'houlennoù an dilennidi, teknikourien an hentoù, tud a vicher war ar panellaouiñ ha santet e veze an ezhomm da gaout un ostilh sklaer a lakafe splann war wel standardoù an divyezhegezh a-feson.
6 pennreolenn a gaver el levrig; displeget int dre ar munud ha skeudennaouet kaer a-benn lakaat war wel penaos sevel ur panellerezh a-zoare, kempouez evit an div yezh, doujus ouzh an doare da skrivañ an anvioù-lec'h hag ouzh reolennoù strizh ar panellerezh-hent.
Evit kaout ar blaketenn nevez-mañ, skrivit da
Ofis ar Brezhoneg,
10 straed Naonediz
35000 Roazhon,
pe pellgargit ar pezh-stag.