Embannet listenn Ni ho savo Breizh al Liger-Atlantel, e Naoned

Jacky Flippot, penn al listenn "Ni ho savo Breizh" el Liger-Atlantel, hag e genseurted Christine David, Tieri Jamet ha Gaidig Lavanant, o deus embannet d'an 12 a viz C'Hwevrer listenn peurechu an danvez-dilennidi evit al Liger-Atlantel da geñver dilennadegoù rannvro ar 14 hag ar 21 a viz Meurzh, e prefeti Naoned.

Listennoù ar Mayenne, ar Sarthe, ar Maine-et-Loire hag ar Vañde zo bet embannet war ar memes tro, dre-se e kinnig al listenn "Ni ho savo Breizh" 194 maouez ha gwaz war an div rannvro melestradurel "Breizh" ha "Broioù-al-Liger". Evel-se e c'hello hon danvez-dilennidi ober ar c'houlzad-kabaliñ dreist d'an harzoù melestradurel, war pemp departamant Breizh, gant an hevelep anv-listenn hag an hevelep programm.

Hor c'hoant da unaniñ an tiriadoù hag an dud a zo bet klevet gant kalz a dud el Liger-Atlantel, koulz maouezeg ha gwazed, re yaouank pe re goshoc'h, a bep seurt orin geografel, sokial pe vicherel. Dasskediñ a ra hol listenn ar c'hempouezoù-se.

N'eus ket bet tu ganeomp lakaat an holl e listenn ar "Broioù-al-Liger" (103 danvez-dilennad, hanter vaouezed, hanter wazed) met fellout a ra deomp trugarekaat anezho kreñv, ha lavarout eo holl a-unan e kendalc'homp gant koulzad-kabaliñ "Ni ho savo Breizh" el Liger-Atlantel.

Evit kemer perzh ennañ e c'hellit daremprediñ gant Mathieu Guihard war 06 26 26 60 23 pe Jacky Flippot war 06 81 36 67 43.

Skrivañ a c'hellit neuze an emgavioù-se e-barzh ho teiziataer :

- Merc'her 17 a viz C'Hwevrer : pedet eo Jacky Flippot gant abadenn geleier Frañs 3 PDL da 7 eur noz ;

- Yaou 18 a viz C'Hwevrer : sonadeg-emvod e sal ar Cité e Roazhon da 8 eur noz, gant an holl arzourien a skor Ni ho savo Breizh ;

- Merc'her 24 a viz C'Hwevrer : emvod publik sal an oaled-preti e Kastell-Briant (e-kichen ar c'hastell, e-tal plasenn al Leurennoù) da 8 eur noz ;

- Yaou 25 a viz C'Hwevrer : emvod publik sal ar Champs de Foire (e-kichen straed Bertin) e Klison da 8 eur noz ;

- Meurzh 2 a viz Meurzh : emvod e sal Breizh, 23 straed Villebois-Mareuil e Naoned, da 8 eur noz ;

- Merc'her 3 a viz Meurzh : emvod sal Agora, straed Albert de Mun e Sant-Nazer da 8 eur noz ;

- Meurzh 9 a viz Meurzh : emvod publik e local-club, champs de foire, plasenn Jollan de Clerville e Blaen da 8 eur noz.

- Sulioù 14 ha 21 a viz Meurzh : kentañ hag eil tro an dilennadegoù-rannvro.

Notit : aozet e vo emvodoù publik en Ankiniz ha Pornizh ivez.