Strollad Ploneis : ur sell divergont ouzh Jakez Pear

Abaoe daou vloaz bremañ emañ Strollad Ploneis o lakaat an dud da c'hoarzhin.

Goude un TV dirollet, setu Shakespeare (lennit Jakez Pear) a zo bet adlennet ganto, ha n'eo ket ul lennadenn doujus, me lâr deoc'h ! Meur a wech e vez adc'hoariet pennad : «Romeo, perak out Romeo ?», met pep Juliet a zo dirollet, kanerez opera, dichek ... Peadra da lakaat rener ar strollad da bennfolliñ ha da vanifestiñ evit gwirioù aktourien e Breizh ...