Nidiad ur gelaouenn lennegel nevez e brezhoneg a zo deuet er maez

D'ar 1añ Genver 2010, niverenn gentañ an Nidiad zo deuet er maez. Ur gazetenn lennegel ijinet ha krouet gant ur strollad yaouank abaoe bloaz hag a vo e brezhoneg penn da benn !

Barzhonegoù, kevellennoù, pennadoù studi ha prederouriezh, kement a grouidegezhioù a c'hallor kavout er gelaouenn nevez-se.

« Nidiad » a dalvez « an neb a grou », ar c'hrouer bedoù hag oberennoù. Fellout a ra dimp lakaat splann hag anat pouez ha galloud ar c'hrouiñ hepken, ha klask e lakaat da vont en-dro. Bezomp Nidiaded an devezh a hiziv evit sevel hon yezh hag ar bed a warc'hoazh stag outi…

Dieubomp ar spered ha dieubet e vo pep tra…

Nidiad Breizh,
33 straed Lorraine
44000 Naoned
nidiad.gwe@gmail.com

Gwendal Piégais, Malo Adeux, Hoel Mahe