Produet e Breizh a sin an emglev Ya d'ar brezhoneg e Kuzul-rannvro Breizh

Gant an ao. Jean-Yves an Drian, prezidant Kuzul-rannvro Breizh, eo bet degemeret d'ar Gwener 18 a viz Kerzu 2009 e ti ar Rannvro an it. Lena Louarn, prezidantez Ofis ar Brezhoneg, hag an aotrounien Jakez Bernard ha Malo Bouëssel du Bourg, prezidant ha rener Produet e Breizh, evit al lid-sinañ.

Divizet ez eus bet gant Produet e Breizh, enni 225 embregerezh a labour evit 60 gennad labourerezh e 5 departamant Breizh, kas da benn 10 ober a c'hello kreskiñ plas ar brezhoneg er framm hag en darempredoù gant an mediaioù hag an dud dre vras.

Meur a wezh en amzer dremenet e oa bet lakaet ar brezhoneg war wel gant Produet e Breizh da-geñver koulzadoù brudañ (ar c'houlzad « Plijadur penn-da-benn », da skouer, e metro Pariz (voir notre article)). Hag emañ e soñj kenderc'hel gant koulzadoù all evit brudañ poduioù ar vro e brezhoneg.

Ar skoroù kehentiñ (follennoù pleg-dibleg evit Gouel Erwan, ar gazetenn « Le Phare », al lec'hienn genrouedad) a vo kinniget en div yezh, penn-da-benn pe evit darn.

Produet e Breizh a zisplego d'e izili ster ar sinadur gant an Ofis ha broudañ a raio an embregerezhioù da dostaat ouzh an Ofis a-benn siñañ an emglev Ya d'ar brezhoneg.

Mod-all e vo gwelet brezhoneg war kartennoù-bizit an implijidi, ar paper-lizher ha goloioù lizher ar framm.

Aes eo vo kas da benn an holl oberoù-se dre ma'z eo brezhoneger rener nevez Produet e Breizh.

Un arouez bras eo ar sinadur-se dre ma kreñvay ur wezh ouzhpenn al liammoù etre armerzh ha yezh.