Kervarker e bro Gembre : ur welladenn hentet e brezhoneg

D'ar merc'her 13 e oa un douzennad a dud kentelioù noz Kemperle dirak ar maner evit dizoleiñ diskouezadeg nevez maner Kernot, hag e brezhoneg, mar plij : beaj Kervarker e bro Gembre. Just a-raok embannadur ar Barzaz Breizh eo bet pedet ar barzh e bro Gembre. Aze en deus bevet traoù fromus ha dedennus kenañ : Esteffodoù, tud o krouiñ skolioù kentañ e kembraeg, tud an noblañs o tastum ar Mabinogion ... Ul labour a-feson a zo bet kaset gant ar maner, gant ar poltreder a zo aet tramor war roudoù Kervarker, ha gant Ronan an Dero, an heñter a c'hello degemer strolladoù all e brezhoneg. Evit gouzout hiroc'h, sellit ouzh ar video.