''Viva Patata'' : un diskouezadeg dudius evit dizoleiñ an avaloù-douar e brezhoneg

Gant Germicopa, un embregerezh arbennikaet war ar c'hrouiñ gouennoù avaloù-douar nevez, ez eus kinniget un diskouezadeg e brezhoneg diwar-benn an torzhelloù hollvrudet.

En diskouezadeg, zo kinniget e Diwan Kemper en devezhioù-mañ, e kaver pevarzek panell bedagogel a ro an tu da c'houzout hiroc'h diwar-benn istor, douaroniezh, ha blaz ar patatez.

Savet eo bet ar panelloù livet-flamm-se evit ar c'hlasoù divyezhek hag ur benveg a zoare e vo evit ar c'helenn e brezhoneg. Kas a reont ivez d'un danvez all, an arzoù-kaer, dre ma kinnigont pennoberennoù krouet diwar gouennoù avaloù-douar liesseurt.

Lakaet eo bet an diskouezadeg e brezhoneg gant servij Treiñ-Aliañ an Ofis, diwar c'houlenn Germicopa, un embregerezh a zo e sez e Kemper. Un droidigezh aketus a zo bet savet gant troerien ar servij a zo bet laouen o labourat war un danvez a zigor hentoù nevez d'ar brezhoneg.

Evit sellet ouzh an diskouezadeg (hag al levrig pedagogel a ya d'he heul) war ar genrouedad ha/pe he fellgargañ : (voir le site)

Evit kaout an diskouezadeg en ho skol, mont e darempred gant Ofis ar Brezhoneg :
02 51 82 48 35
ofis44@ofis-bzh.org