Deskiñ brezhoneg buan : diskoulm ar stajoù yezh

A-hed ar bloaz e vez kinniget stummadurioù war ar brezhoneg gant un toullad frammoù. Hir pe hiroc'h e vezont, dibennoù-sizhun, sizhunvezhioù, prantadoù 6 miz. Da bep hini da zibab lusk ha stumm ar staj evit dont a-benn da gomz flour.

Adalek bremañ e c'heller en em enskrivañ evit stajoù a grogo e miz Gwengolo gant ar frammoù merket a-is. Dre ar stummerezh dibaouez e c'hell bezañ kemeret ar stummadur e kont pe bezañ arc'hantaouet gant an AVAL.

Teknikoù pedagogel nevez zo bet savet gant kelennerien ampart a-benn lakaat ar skolidi da gomz adalek ar gentel gentañ gant skoazell poelladennoù a-stroll. Krouet e vez al liamm gant ar yezh d'an taol kentañ hag ar c'helenn dre soubidigezh-se a laka ar skoliad da zeskiñ brezhoneg fonnus. Savet ez eus bet nevez zo ur stummadur evit ar vrezhonegerien a labour en o yezh c'hoazh hag a fell dezho mont donoc'h en anaouedegezh ar brezhoneg.

Sed aze roll ar frammoù a ginnig stajoù hir :

— Stumdi Landerne, postel : bzh.stumdi(AT)wanadoo.fr
— Pôle langue bretonne, Skol an Emsav, Roazon, postel : sae.bzh(AT)wanadoo.fr
— Roudour, Karaes, postel : roudour2(AT)wanadoo.fr
— Kelenn, Kemper, postel : kelenn2(AT)wanadoo.fr

Mod-all, tu zo da lakaat e anv er stajoù-hañv a vo aozet un tammig e pep lec'h e Breizh adalek Mezheven betek Gwengolo. Un doare eo da gaout un tañva eus ar brezhonge a-raok dibab ur stummadur hir pe un digarez da adskoulmañ gant ar brezhoneg gant deskerien all (s.o. ar pezh stag : roll ar stajoù hañv.

: (voir le site) gant listenn glok ar c'hreizennoù kelenn e Breizh.